நடிகன்

இந்த பாடலின் இரண்டொரு நிமிடங்களிலே நடிகர் திலகத்தின் அபார திறமை வெளிப்படுகிறது. அம்பிகாபதி எனக்கு மிகவும் பிடித்தமான கதைகளில் ஒன்று. திரைப்படத்தில் பானுமதியின் நடிப்பு தான் என்னை முதல் பார்வையில் கவர்ந்தது. சற்று நாட்களுக்கு முன்பு இந்த படலை யூடியுபில் பார்க்க நேர்ந்த பொழுது தான் கணேசனின் நடிப்பில் எவ்வளவு நுணுக்கம் பதுங்கி உள்ளது என்று உணர்ந்தேன்.



காதலியை பிரிந்த காதலன் கப்பல் பயணத்தில் பாடும் பாடல். சோகத்தின் சின்னமாகவே அவன் தோற்றமளிக்கிறான். கவின்ஞன் என்பதால் அவனை அறியாமலே செய்யுள் நாவில்நின்று புறப்படுகிறது. அந்த பாடலில் பிரிந்த காதலியின் உருவம் ஒளிர்கிறது. அனால் மெல்ல மெல்ல அமராவத்யிடம் கொண்ட காதல் அவன் இசை மீது கொண்ட காதலுக்கு வழி வகுக்கிறது. பாட்டின் வீரியம் பெருகப் பெருக இரண்டும் இணைகின்றன. ஒன்றின் மூலம் மற்றொன்று கண் முன்னே நிற்கின்றது. வாடி நின்ற முகம் மெல்ல புண் முறுவல் சூடி நிற்கின்றது. ஒன்றரை நிமிடங்களில் சிவாஜி இசையின் பயனையே தனது நடிப்பின் மூலம் உணர்த்தி விடுகிறார். மகத்தான கலைஞனின் அறிகுறி.